Hæ

Ég er á lífi

2007-01-04T14:53:00.000Z

Hæ ég er á lífi, þetta er smá svona áður en ég kemst á fullt skrið.

1.nafnið þitt:

2. Aldur:
3. Single or Taken:
4. Uppáhalds bíómynd:
5. Uppáhalds lag:
6. Uppáhaldshljómsveit:
7. Dirty or Clean:
8. Tattoo eða göt:
9. Þekkjumst við persónulega?
10. Hver er tilgangurinn með lífinu?
11. Myndiru bakka mig upp í slagsmálum?
12. Myndiru þaga yfir leyndarmáli ef það skipti mig máli?
13. Besta minningin þín um okkur?
14. Segðu eitthvað skrýtið um þig:
15. Myndir þú hugsa um mig ef ég væri veik?
16. Getum við hist og bakað köku?
17. Hefuru heyrt kjaftasögu um mig nýlega?
18. Finnst þér ég góð manneskja?
19. Myndir þú keyra með mér hringinn í kringum landið?
20. Finnst þér ég aðlaðandi?
21. Hverju myndiru vilja breyta í mínu fari?
22. Í hverju sefuru?
23. Kæmiru í heimsókn af tilefnislausu, bara til að chilla?
24. Myndir þú koma á stefnumót ef ég myndi bjóða þér?
25. Ef ég ætti einn dag ólifaðann, hvað myndum við gera?
26. Ætlaru að setja þetta á þína síðu svo ég geti fyllt þetta út?

Fréttir

2006-08-07T20:56:00.000Z

Vá hvað það er langt síðan ég bloggaði síðast, skamm skamm.... jæja það er ýmislegt búið að gerast síðan seinast, erum búin að flytja og meira segja búin að vera hérna í 2 mánuði, og það er bara æðislegt það tók smá tíma að koma sér fyrir, (erum búin að vera smá löt) en við tókum okkur til og gátum loksins haldið innflutnings partý, sem var bara æðislegt og heppnaðist bara alveg rosalega vel. Við föttuðum svo um kvöldið að við héldum partýið á 6 mánaða afmælinu, sem var bara æðislegt.
Svo erum við bæði að skipta um vinnu, ég hef fengið nóg af rónum og leiðinlegum viðskiptavinum og hef ákveðið að fara aftur í bakaríið, að miklu leyti vegna vinnutímans, sme gerir það að verkum að ég get útréttað án þess að þurfa biðja um frí til þess, sem er ekkert smá mikill kostur. Kiddi hefur fengið nóg af IKEA og einnig leiðinlegum viðskiptavinum og er búinn að fá vinnu hjá S. Helgasyni, sem er steinsmiðja.
Svo er það besta fréttin af öllum, á föstudaginn kom ég heim úr vinnunni og þá var Kiddi búinn að taka til, og færa eldhúsborðið inn í stofu og búinn að kveikja á kertum og var að elda alveg dýrindismáltíð, ég fékk skipun um að skipta yfir í eitthvað fínna, svo var ég leidd inn í stofu, þar sem við borðuðum þennan alveg geðveikt góða mat, en það var ekki búið enn þegar við vorum búin að borða, settumst við í sófann og Kiddi kom fram með osta og kex, þetta var alveg yndisleg stund, eftir smá stund stóðum við upp og fórum að dansa. þetta var alveg yndilegt, svo eftir smá stund fór Kiddi niður á hnén og bað mig um að trúlofast sér (veit ekki alveg hvernig ég á að segja frá þessu, en þið fattið) og auðvitað var svarið já.
Við erum bæði búin að vera í skýjunum alla helgina. Hann gaf mér alveg æðislegan hring, hann er lítill og nettur en því miður full stór þannig að hann þarf að far í minnkun eftir helgi, svo í næsta mánuði förum við saman og veljum trúlofunarhringi saman.
Jæja þá er þetta komið í þetta sinn ég ætla að reyna að vera duglegri að blogga, ég lofa.

Bæ bæ og kossar

Margt að gerast

2006-05-23T11:57:00.000Z

Hæhæ langt síðan síðast, það er bara heilmikið búið að gerast síðan ég bloggaði seinast, við fórum vestur og hittum sveitalubbana þar, það var mjög gaman, Kiddi var þá að hitta í fyrsta skipti Víðir og Baddý og held ég barasta að öllum hafi líkað vel við hann, honum líkaði alla vega mjög vel við þau, ferðin vestur gekk nú ekki tíðindalaust fyrir sig, haldiði ekki að við (ég) gleymdum að taka bensín í Búðardal og við komumst rétt svo í símasamband í Brjánslæk, þá kom hún yndislega systir mín hún Klara og bjargaði okkur.
Við eyddum helginni á Bíldudal í geðveikislega góðu veðri, og það var nú ekkert verra þegar við komum aftur í bæinn.
Ég er búin að kaupa bassa ekki þann sem ég ætlaði að kaupa en þessi er nú eiginlega bara flottari, ég er að verða ágæt að spila á hann, þó að Kidda finnist ég ekki alveg nógu dugleg.
Við erum búin að fá ibúð og flytjum inn núna um mánaðarmótin, við getum varla beðið, hún er uppí breiðholti, sem er bara nokkuð þægilegt upp á mína vinnu, svo er þetta líka geðveikt rólegt hverfi sem er æðislegt, þar sem við erum nú frekar róleg sjálf.
En jæja ég hef voða lítið annað að segja, blogga aftur þegar við erum komin í nýju íbúðina.

Blæ blæ og kossar.

Netpróf

2006-04-05T22:06:00.000Z

ég og Kiddi vorum að taka próf á netinu, sem sagt hvaða álfar við erum.
Hér er ég:

Hér er Kiddi:

Hér er prófið:
What type of Fae are you?

Leti

2006-04-05T00:27:00.000Z

Ég er löt....ég veit það, gerði mér grein fyrir því fyrir langa löngu.
Ástæða þessarar játningar er sú að það er allt of langt síðan ég bloggaði seinast, ég bið alla sem eru forvitnir um líf mitt afsökunar, en kannski er það nú óþarfi þar sem voða fáir virðast skoða þetta hjá mér....alla vega er öllum sama um það að það líði meira en mánuðir milli blogga, en mér er alveg sama um það, ég held samt áfram ótrauð.
Það er ekkert voða mikið búið að vera gera hjá mér þennan mánuðinn, var í veikindafríi fyrstu 10 daga mánuðarins, þá hélt ég að geðheilsan myndi algjörlega fara þá...ég veit að hún hefur nú aldrei verið uppá marga fiska en þarna var hún nú orðin hættulega illa farin.
Kiddi er fluttur inn til mín og erum við að leita okkur að íbúð til að leigja, þannig að ef einhver veit um sæta 2ja herbergja íbúð handa okkur á sanngjörnu verði endilega látið okkur nú vita.
Eins og flestir vita eru Sunna og Gerald flutt á efri hæðina hjá okkur og eru miklar framkvæmdir þar í gangi, en bað- og svefnherbergið voru ekki í allt of góðu standi, mamma og Hrefna eru búnar að vera úber duglegar að panel leggja svefnherbergið.
Kiddi keypti sér rafmagnsgítar fyrir helgi, og er hann varla búin að sleppa honum, enda nokkuð skiljanlegt, ég er svo líka að fara kaupa mér hljóðfæri, eða nánar tiltekið bassa, en ég fann einn á netinu sem ég varð bara ástfangin af, enda er hann ekkert smá sætur hér er mynd: það er búið að panta hann, þannig að núna þarf ég bara að bíða.
Ég er, eins og ég hef áður sagt, að vinna hjá Átvr, það er bara ágætlega gaman nóg að gera og dagurinn er fljótur að líða, það er samt ótrúlegasta fólk sem maður lendir í að afgreiða. í dag komu 2 vesalings rónar inn rétt fyrir lokun til að kaupa vodka, maður getur ekki annað en vorkennt þeim, enginn á skilið að lifa svona, mér er alveg sama þó að þetta sé að miklu leyti þeim sjálfum að kenna, það er hræðilegt að sjá þetta, þeir eru líka allir upp til hópa kurteisir sem er ekki hægt að segja um alla aðra sem versla hjá okkur, það að Íslendingar geti ekki beðið í biðröð er ótrúlegt, ég meina þegar það eru 2 á undan þér (sem dæmi, gerðist samt í dag) sem eru bara með eina kippu hvor, og þú nánast heimtar að ég fái einhvern annan til að afgreiða þig um þessar 2 bailey´s sem þú ert að fara kaupa, þetta gerist nánast daglega, íslenskt þjóðfélag er orðið alltof stressað, allir ættu að fara á námskeið í að standa í biðröð og bara versla yfir höfuð, þetta að koma 5 mínútum fyrir lokum er bara ekki nógu sniðugt, og að vera með kjaft við afgreiðslufólk vegna nokkurra króna hækkunar, við (afgreiðslufólk) stjórnum ekki verðhækkunum, reynum að muna það næst þegar farið er að versla.
Afsakið þessa ræðu, er bara orðin smá pirruð á því hvernig fólk í dag verslar, jæja þetta er nóg í bili.

Blæ blæ og kossar

Kirtlar

2006-03-02T12:22:00.000Z

Jæja það er ýmislegt búið að gerast síðan ég bloggaði seinast, til dæmis þá er ég komin með vinnu og er farin að vinna hjá ÁTVR....sem er bara mjög fínt, nú get ég hætt að hanga heima og gera ekki neitt, ég er núna hinsvegar í veikindafríi þar sem hálskirtlarnir þurftu að fjúka, mér líður bara ágætlega er svolítið vont að kyngja en þetta verður allt betra á næstu dögum, og svo vonandi lagast heilsan enn betur eftir þetta, en ég er nánast búin að vera kvefuð síðan í október. Ég er enn í smá baráttu við að fá atvinnuleysisbæturnar og er ég búin að kæra þennan úrskurð, þannig að vonandi fer eitthvað að gerast í þessu....ég held að ég hafi bara ekkert meira að segja, ég sem hélt að þetta yrði alveg svaka langt, en jæja bara meira næst.

Blæ blæ og kossar

Upptekin?

2006-02-14T23:23:00.000Z

Hæ, það er alltof langt síðan ég skrifaði síðast, og nokkuð mikið búið að gerast. Eitt það stærsta er að ég er kominn með kærasta, og ég er ekkert smá hamingjusöm, hann er svo yndislegur og góður við mig og það besta er að við erum líka góðir vinir sem er alveg rosalega mikilvægt, við getum talað um allt milli himins og jarðar og skemmtum okkur vel saman, svo líkar honum við fjölskyldu mína og vini, og það er bara æðislegt.
Hvað annað hefur gerst........ég er búin með prógrammið á Reykjalundi og gekk það bara nokkuð vel, ég er nokkrum kílóum léttari og þó nokkuð fróðari, sem er alltaf plús. Ég er enn atvinnulaus og finnst mér það ganga mjög hægt að finna vinnu, og núna er verið að fara þó nokkuð illa með mig, ég er á atvinnuleysisbótum til að geta borgað reikninga og halda mér uppi og svona, en nei vegna þess að ég vildi ekki taka fyrstu vinnuna sem mér var boðið (eða réttara sagt nánast neydd til að taka) fæ ég ekki bætur næstu 40 stimplaða daga, sem meikar ekki sens þar sem ég á að geta neitað vinnu alla vega 2svar áður en ég missi bætur, ég er búin að skrifa bréf sem var tekið fyrir á fundi hjá úthlutunarnefnd í dag og vonandi hlusta þeir á það sem ég hef að segja, en ef það gengur ekki mun ég kæra, og svo eftir það er bara að bíða og sjá. Ég er búin að vera leita að vinnu hér og þar, en finn voða lítið spennandi. Ég ætla nú samt ekki að gefa upp vonina og held ótrauð áfram.
Núna ætla ég að fara tækla þetta heimaverkefni sem Kiddi setti fyrir.....og nei perrarnir ykkar það tengist ekki kynlífi, heldur á ég að teikna 2 myndir fyrir hann, hann er þónokkuð góður teiknari og er búinn að smita mig af teiknibakteríunni, og nú vill hann að ég fullklári 2 myndir sem sagt teikni andlit ekki bara hausinn.
Jæja ætli ég fari ekki að hella mér í þetta.

Blæ blæ og kossar

Stolt

2006-01-21T21:22:00.000Z

Mér brá smá í dag þegar ég ákvað að skoða smá á mbl.is í dag, ég sá titilinn Íslenskur vísindamaður kollvarpar vísindakenningu, og fannst það áhugavert, ég meina maður fyllist alltaf stolti þegar maður sér að íslendingar eru að standa sig vel, enda erum við nánast öll uppfyllt af óbugandi þjóðarstolti, en þegar ég sá hvaða vísinindamaður það var fylltist ég enn meira stolti, enda ekki skrítið þar sem þetta var frænka mín, hún Ragnhildur Þóra Káradóttir.
Ef ég hefði brot af hennar gáfum væri ég heppin, og hefði líklega flogið í gegnum tannlækninn.

Hér er svo fréttin af mbl.is

Niðurstöður nýlegrar greinar í vísindatímaritinu Nature kollvarpa áður viðteknum hugmyndum í taugavísindum. Fyrsti höfundur greinarinnar er ungur, íslenskur vísindamaður, Ragnhildur Káradóttir.

Hún stundar doktorsnám í taugavísindum við University College London undir handleiðslu David Attwell. Niðurstöðurnar gætu hjálpað verulega til við að skilja betur taugasjúkdómana MS, heilalömun, mænuskaða og heilablóðfall.

Ragnhildur og samstarfsfólk hennar uppgötvuðu að stoðfrumur sem mynda taugaslíður reynast hafa svokallaða NMDA-viðtaka, sem áður voru taldir vera einungis á taugafrumum. Fundur viðtakans hnekkir viðteknum hugmyndum í taugavísindum, enda var talið að hann væri alls ekki á stoðfrumunum.

„Þetta er eins og að hafa unnið gull í 4 sinnum 100 metra boðhlaupi á Ólympíuleikunum,“ var haft eftir samstarfskonu Ragnhildar, Lindu Bergersen, í norskum dagblöðum.

Ragnhildur vann áður hjá Sjálfsbjörg við meðhöndlun MS-sjúklinga og segir sig alltaf hafa langað til að fást eitthvað við sjúkdóminn. „Það er afar erfitt að finna lækninguna en mig langaði að reyna að skilja MS betur. Mig langaði líka að skilja betur heilann yfirhöfuð. Frá því að ég man eftir mér hefur mér fundist heilinn vera ofsalega spennandi!“

Það sem rennir enn styrkari stoðum undir óvænta niðurstöðu Ragnhildar og samstarfsfólks hennar er að vísindamenn í Leicester fundu viðtakann í sjóntaug músa á sama tíma og þau fundu hann í stoðfrumum í heila og mænu.

Viðbrögðin hafa ekki látið á sér standa. Tímaritið Science valdi niðurstöður hópanna sem uppgötvun vikunnar í taugavísindum (breakthrough of the week) og útdráttur úr greinunum mun birtast í Nature Review. Þar eru birtar vel valdar yfirlitsgreinar í taugavísindum.

Óbærilegur "þungleiki" tilverunnar

2006-01-17T22:09:00.000Z

Jæja þá er ég einu sinni enn komin með nýja síðu, ég fékk bara allt í einu ógeð á blog.central síðunni og ákvað að reyna þessa og mér er bara að líka ágætlega við hana.
Það er ýmislegt miður skemmtilegt búið að gerast í lífi mínu seinustu mánuði, og er fráfall pabba það einna versta.....vá ritstífla dauðans.... jæja ég held að ég sleppi bara að tala um þennan part, nógu erfitt án þess að vera rifja þetta upp aftur og aftur.
En jæja núna er nýtt ár gengið í garð og það byrjar ekkert sérstaklega vel, ég er á hvínandi kúpunni og ég er ekki bara að segja þetta til að nota þessa skemmtilegu lýsingu, nei ég er svo blönk að ég get ekki einu sinni fyllt á frelsið mitt, æ lífið er stundum svo pirrandi, ég meina hafiði litið út um gluggan.... það er allt hvítt, það er erfitt að komast leiðar sinnar, nánast út úr húsi, og ég er á sumardekkjum, þetta fer að verða smá hættulegt held ég og hvet ég alla sem sjá mig á ferðinni að forða sér, bara svona til að vera viss um að lifa af daginn.
Svo til að toppa allt er ég atvinnulaus, ég komst ekki inn í tannlæknadeild, en ætla mér að taka þetta næsta haust, þannig að þeir sem vilja panta tíma hjá mér árið 2012 endilega hringið þá.
Ég er núna í smá svartri vinnu á gamla vinnustaðnum mínum, sem er í sjálfu sér í góðu lagi, nema það að ég er greinilega búin að hafa það alltof gott síðasta ár (að sítja á rassinum og læra) og þessi fyrsti dagur, var smá erfiður ég var að deyja í fótunum, er komin með smá tak í bakið og er bara alveg dauðþreytt, en vonandi fer heilsan og hreystið að batna, maður er nú einu sinni komin í átak, sem er þrisvar í viku, smá puð alveg frá 13-17 en það er þess virði svo ég geti nú alla vega staðið og afgreitt snúða án þess að vera deyja úr verkjum.
En ég er nú búin að sækja um eina vinnu, og fer í atvinnuviðtal á fimmtudag hjá verslun sem selur pípulagningavörur...held ég. Allir að krossa putta svo mér gangi nú vel.
Ég er ekki búin að hafa neitt að gera undanfarið þannig að ég er búin að vera lesa á fullu, búin með 10 bækur síðan um áramótin, kannski sönnun á því að ég eigi ekkert líf....en ég segi hins vegar að ég eigi mér líf... á bara eftir að sanna það.
Jæja ég nenni þessu ekki lengur, hausinn er núna alveg tómur... þannig að ég ætla að hætta í bili og jafnvel fara skríða undir sæng....og lesa.

Blæ blæ og kossar

Hæ

2006-01-17T00:11:00.000Z

Ég er bara prófa þetta er orðin smá leið á blog.central, vona að það gangi kannski betur hér :)